Spesialbibliotekar
Biblioteket ved KRUS er ein viktig støttespelar for forsking, utdanning og utvikling innan straffegjennomføring.
Vi ser etter ein engasjert spesialbibliotekar som vil vere med på å vidareutvikle biblioteket vårt. Hos oss får du høve til å jobbe tett på forsking, utdanning og kriminalomsorga.
Vi søkjer deg som blir motivert av kunnskapsformidling og som trivst i eit moderne og nytenkjande miljø. Stillinga har varierte arbeidsoppgåver og reell moglegheit til å påverke bibliotektenestene og den vidare utviklinga.
Saman med hovudbibliotekaren vår vil du ha ansvar for drifta av biblioteket, og for å sørgje for at brukarane blir møtte på ein god måte.
Har du spørsmål om stillinga, kan du kontakte avdelingsleiar Nina Stenvaag Leira på telefon 917 96 061 eller e-post nina.stenvaag-leira@krus.no.
Høgskulelektor tryggleik
I denne stillinga vil du undervise og få moglegheit til å utvikle kompetanse knytt til tryggleik i straffegjennomføringsfeltet. Ved høgskulen vår har vi mange ulike fagområde og fagdisiplinar, til dømes kriminologi, sosiologi, filosofi, juss, psykologi, psykisk helsearbeid, sosialt arbeid og tryggleiksfag.
Ved Institutt for kriminalomsorgsstudiar, i seksjon for tryggleik, er det ledig ei fast stilling som høgskulelektor innanfor tryggleiksfeltet.
Vi ser etter deg som har kompetanse og relevant erfaring frå arbeid med risiko- og tryggleiksstyring, til dømes arbeid med samfunnstryggleik, tryggleikskultur, beredskapsplanlegging, risikovurderingar, risikokommunikasjon m.m.
Har du spørsmål om stillinga, kan du kontakte studieleiar Hans Petter Lade på tlf. 230 67 171 eller e-post hanspetter.lade@krus.no.
Seksjonsleiar IT og digitalisering
Vi etablerer ein heilt ny desentralisert deltidsutdanning, og treng digitale løysingar som fungerer både i og utanfor våre fysiske lokale.
Difor skal vi satse på IT og digitalisering ved å opprette ein heilt ny seksjon, som treng ein målretta og ambisiøs leiar med god operativ teknologikompetanse. Dette gir ei unik moglegheit for deg som ønskjer å jobbe saman med oss for å rigge oss digitalt for framtida, sikre god informasjonstryggleik og ein tydeleg digital infrastruktur med fokus på teknikk og brukarar.
Har du spørsmål om stillinga, kan du kontakte Maria M. Nesseth på tlf. 901 70 114 eller e-post maria@cruit.no.
Høgskulelektor jurist
I denne stillinga vil du undervise og få høve til å utvikle kunnskap knytt til kriminalitet og straff, mellom anna domfelte, maktutøving og tilbakeføring til eit kriminalitetsfritt liv. Ved høgskulen vår har vi mange ulike fagområde og disiplinar, til dømes kriminologi, sosiologi, filosofi, jus, psykologi, psykisk helsearbeid, sosialt arbeid og tryggleiksfag.
Ved Institutt for kriminalomsorgsstudiar er det ledig ei fast stilling som høgskulelektor innan straffegjennomføringsrett og andre relaterte juridiske tema i seksjon for profesjonskunnskap.
Du vil òg bidra i eitt eller fleire av undervisningsemna; Menneskerettar i straffegjennomføring (KRUS3208), Juridiske tema – Kartlegging og dokumentasjon (KRUS1400); og andre juridiske tema i praksisstudia.
Har du spørsmål om stillinga, kan du kontakte studieleiar Knut Evensen på tlf. 928 37 946 eller e-post knut.evensen@krus.no.
Høgskulelektor/høgskulelærar/fengselsoverbetjent – fysisk maktbruk (FM)
Vi ser etter deg som har utdanning og erfaring som fengselsbetjent, og som har fullført vidareutdanning som instruktør i fysisk maktbruk. Du har gjerne også annan høgare utdanning som er relevant for straffegjennomføringsfeltet. Som instruktør i fysisk maktbruk vil du vere ein rollemodell både for aspirantar og instruktørar i kriminalomsorga. Du vil ha ei sentral rolle i undervisning og utvikling av kunnskap innan fagområdet.
Ved Institutt for kriminalomsorgsstudiar er det ledig ei fast og ei mellombels stilling som høgskulelektor/høgskulelærar/fengselsoverbetjent i fysisk maktbruk, i seksjon for tryggleik.
Har du spørsmål om stillinga, kan du kontakte studieleiar Hans Petter Lade på tlf. 230 67 171 eller e-post hanspetter.lade@krus.no.